Nieft de Centres d’Incendie et de Secours (CIS), regruppéiert de CGDIS och eng
ganz Rei Groupes d’interventions spécialisés (GIS) déi zum Asaz komme wann e spezialiséiert Fachwësse gefrot ass.
E vun deene Groupes d’Interventions Spécialisés ass de Groupe de support psychologique (GSP).
D’Missioune vum GSP sinn :
- Eng éischt psychologesch Hëllef a schwéieren Noutsituatioune wéi Accidenter oder och Katastrophë vun all Art unzebidden
- Eng psychologesch Ënnerstëtzung fir Pompjeeën no engem Asaz unzebidden
- Direktioun, d’Caderen an d’Membere vum CGDIS an dem Beräich vum Support psychologique ze beroden
De GSP wäert geschwënn nei fräiwëlleg Membere rekrutéieren a bitt Informatiounsversammlungen un, wou Dir méi iwwert de GSP selwer an och iwwer déi néideg Formatiounen, déi Ufank 2021 ufänken, erausfanne kënnt.
Dës Informatiounsversammlunge fanne statt den:
- Mëttwoch, 7. Oktober 2020 vun 19h00 – 22h00 Auer a
am CIS Mondercange/Reckange - 6A, Grand-Rue L-4393 Pontpierre
- Samschden, 17. Oktober 2020 vun 09h00 – 12h00 Auer
am CIS Lintgen - 73, rue de Diekirch L-7440 Lintgen
Bedéngt duerch déi aktuell Situatioun ëm de COVID-19 sinn d’Plaze limitéiert. Mir bieden Iech also bei Interessi Iech onbedéngt via Email unzemelle bei gis-gsp-contact@cgdis.lu