Hei drënner fannt Dir all néideg Informatiounen bezüglech Ärer Aberuffung an eng Formatioun an och all aaner Prestatiounen déi den INFS ubitt.
Bei Froen zu Ärer Aberuffung kennt Dir INFS Secrétariat ënnert folgender Nummer / Mail kontaktéieren:
Tél: 49771 – 2500
E-Mail: infs@cgdis.lu
Congé spécial
Wann Dir wëllt vum Congé Spécial profitéieren, kennt Dir de passende Formulaire op Dynaforms ausfëllen.
Dësen muss spéitstens 2 Méint virum Ufank vun der Formatioun un DAF Administratif erageschéckt ginn.
Et sief, Dir kritt Är Aberuffung méi spéit vum INFS zougeschéckt. Do kënnt Dir eng kleng Notiz an de Formulaire dobäi setzen.
Fir d’Demande ofzeschléissen, musst Dir no der Formatioun nach Äre Certificat de participation eraschécken.
Bei Froen bezüglech dem Congé spécial kënnt Dir DAF Secrétariat via Telefon oder Mail kontaktéieren.
Opgepasst: Dir kënnt Är Demande erréicht areeche wann Dir vum INFS ee Certificat d'inscription (Aberufung) kritt hutt.
Legilux
Tél: 4977-11
E-Mail: administratif@cgdis.lu
Absences
Bei Ofmeldungen musst Dir Iech 14 Deeg virum Ufank vun der Formatioun mat enger Mail un infs@cgdis.lu schrëftlech ofmellen.
No dësem Delai brauche mir e Certificat Médical oder e Certificat vun Ärem Patron, dass Dir net fräi gestallt kennt ginn.
Bei onentschëllegt feelen, gëtt een zwëschen 6 – 12 Méint gespaart. Dëst aus dem Grond well Formatiounsplazen blockéiert gi sinn ouni valabelen Grond.
Bei Froen bezüglech den Ofmeldungen kënnt Dir d’INFS Secrétariat via Telefon oder Mail kontaktéieren.
Tél: 49771 – 2500
E-Mail: infs@cgdis.lu
Hei drënner all déi wichteg Informatiounen, jee nodeem op wéiengem Site Är Formatioun stattfënnt.
INFS - Centre national d'incendie et de secours (CNIS)
- INFS CNIS
3, boulevard de Kockelscheuer
L-1821 LUXEMBOURG
Restauration
D’Iessen ass fir all Member vum CGDIS, deen un enger Formatioun deelhëlt gratis. Dir kritt Moies bei Ärem Check-in 2 Iess-Bongen. Wann eng Iwwernueschtung am CNIS gebucht ass, kritt Dir nach en zousätzleche Jeton fir d’Owesiessen.
Eisen Refectoire an der Zone 2 steet Iech och zur Verfügung, am Fall wou Dir Ärt eegent Iessen matbrenge wëllt.
Allergien / Intoleranzen:
Bei Allergien oder Intoleranzen kënnt Dir eis dat eng Woch virum Ufank vun der Formatioun mat enger Mail un hotellerie@cgdis.lu matdeelen.
Vegan ass leider net méiglech!
Maacht eis w.e.g eng Woch virum Ufank vun der Formatioun eng Mail un hotellerie@cgdis.lu bei Allergien, Intoleranzen oder wann Dir ee Vegane Menü buche wëllt.
Horaires:
- 07:15 - 09:00 Auer
- 11:30 - 13:30 Auer
Wann Dir eng Iwwernueschtung am CNIS gebucht hutt, kënnt Dir Ärt Nuetsiessen ab 18:00 Auer an der Dessertsvitrine an der Cantine CNIS ofhuelen.
Wichteg: Soot w.e.g um 12:00 Auer an der Cantine Bescheed, dat Dir ee Nuetsiessen wëllt. Dëst gëtt net automatesch preparéiert!
Parking
Opgepasst!
Dir muss Är Parkplaz just reservéieren, wann Är Formatioun um CNIS
(3, boulevard de Kockelscheuer; L-1821 LUXEMBOURG) stattfënnt.
Privatauto
Eis Parkméiglechkeeten am CNIS sinn limitéiert. Aus dem Grond ass et wichteg, seng Parkplaz am Viraus ze reservéieren.
Fir d’Reservatioun ze maachen, musst Dir Iech d’Sharvy Applikatioun eroflueden an Iech iwwert de Webbrowser en Account erstellen.
Hei drënner fannt Dir den How To fir de Sharvy, sou wéi de Plang fir and Parkhaus.
Déngschtauto
Am CNIS kënnt dir och mat engem Dëngschtauto, respektiv MTW
parken.
Do ass d’Entrée allerdéngs net déi selwecht ewéi déi vum CNIS Parkhaus.
Fir an der Zone 2 parken ze kënnen musst Dir
d’rue de la Francophonie erop fueren an beim Accès C erafueren.
D'Reservatioun vun enger Parkplaz an der Zone 2 musst dir, genau wéi am normale Parkhaus, iwwert d'Sharvy App fueren.
Sollt dir mat engem MTW kommen, wieren mir immens dankbar wann dir géingt regroupéiert heihinn gefuer kommen. Soumat hunn och all Participanten eng Chance eng Parkplaz am CNIS ze kréien.
Opgepasst: Just Gefierer déi vum CGDIS ugemellt sinn, kënnen an der Zone 2 parken!
Sollt Dir keng Parkméiglechkeet am CNIS ugebuede kritt hunn, kënnt Dir och vum ëffentlechen Transport profiéieren.
P&R
P&R Stade de Luxembourg à CNIS (Arrêt – Francophonie)
P&R Gare de Luxembourg à CNIS (Arrêt – Francophonie)
P&R Sud à CNIS (Arrêt – Francophonie)
Méi genau Informatiounen zu den Horairen vum ëffentlechen Transport fannt Dir op mobiliteit.lu
Tram
T1 de Luxembourg, Gare centrale à Gasperich, Lycée Vauban
(Arrêt tëschend dem Auchan Cloche d’Or an dem Lycée Vauban)
(am 10Min. – Takt)
T1 de P&R Stade à Gasperich, Lycée Vauban
(Arrêt tëschend dem Auchan Cloche d’Or an dem Lycée Vauban)
(am 10Min. – Takt)
Arrêt Gasperich, Lycée Vauban -> CNIS (397m)
Hébergement
Wann Är Formatioun iwwert e puer Deeg ofleeft, hutt Dir d’Méiglechkeet am CNIS ze iwwernueschten.
Wann Dir eng Iwwernueschtung plangt, schréift w.e.g eng Woch virum Ufank vun der Formatiou eng Mail op hotellerie@cgdis.lu.
Folgendes steet Iech bei Ärem Openthalt am CNIS zur Verfügung:
- 1 Fläsch platt Wasser 500ml
- 1 Handseef
- 1 Duschgel 100ml
- 2 Handdicher
Personnes à mobilité réduite
Persounen mat reduzéierter Mobilitéit hunn d’Méiglechkeet een Zëmmer zur Verfügung gestallt ze kréien, dat op hir Besoin’en adaptéiert ass.
Dëst Zëmmer ka mat enger Mail un infs@cgdis.lu reservéiert ginn.
Réfectoire
Mat Ärer Schlësselkaart hutt dir och Accès op den Refectoire esouwéi op de klenge Living den iech zur Verfügung steet.
Wichteg:
Sollt Dir ausserhalb vun eisen Öffnungszäiten (07:15 – 12:00 / 13:00 – 17:00) e Probleem mat Ärem Zëmmer oder Accès hunn, kënnt Dir Iech zu all Moment beim Gardien am Etat-Major mellen.
Tél: 49771-3999
Vestiaire a Spind
Verstiaire:
Am CNIS stinn Iech Vestiairen souwéi Duschen zur Verfügung.
D’Vestiaire kënne souwuel virun der Formatioun wéi och no der Formatioun genotzt ginn.
Wichteg: Wann Dir no der Formatioun dusche wëllt, musst Dir Är eegen Duschsaache matbrengen.
Spind:
Am CNIS stinn Iech Spinden zur Verfügung. Je no Unzuel vu Formatiounen, kënnt Dir een Spind fir propper Kleedung an ee Spind fir Asatzkleedung notzen.
Sollt Dir d’Schief gear zousperren, musst Dir Äert eegent Schlass (max. ø 7mm) matbrengen.
Mir bieden Iech d’Spinden um Enn vun der Formatioun propper ze hannerloossen.
Méi Informatiounen fannt Dir an der Schulordnung CNIS.
Schulordnung
INFS - Site Feulen
- INFS – Site Feulen
25 rue de la Wark
L-9175 NIEDERFEULEN
Restauration
D'Iessen ass fir all Member vum CGDIS gratis.
Wann eng Iwwernuechtung um Site Feulen geplangt ass, kënnt dir Moies an der Kiche Bescheed ginn, dat een Owesiesse gebrauch gëtt.
Eng Mikrowell souwéi Frigo stinn Iech och zur Verfügung, am Fall wou Dir äert eegent Iesse matbrénge wëllt.
Allergien / Intoleranzen:
Bei Allergien oder Intoleranzen kënnt Dir eis dat eng Woch virum Ufank vun der Formatioun mat enger Mail un hotellerie@cgdis.lu matdeelen.
Vegan ass leider net méiglech.
Tél: 49771 - 2592
E-Mail: hotellerie@cgdis.lu
Hébergement
Wann Är Formatioun iwwert e puer Deeg ofleeft, hutt Dir d’Méiglechkeet um Site Feulen ze iwwernueschten.
Wann Dir eng Iwwernueschtung plangt, schréift w.e.g eng Woch virum Ufank vun der Formatioun eng Mail op hotellerie@cgdis.lu.
Vestiaire
Um Site Feulen sti Vestiairen zur Verfügung.
D’Verstiairen kënne souwuel virun der Formatioun wéi och no der Formatioun genotzt ginn.
INFS - Site Wasserbillig
- INFS – Site Wasserbillig
6617 WASSERBILLIG / MERTERT
Restauration
D’Iessen ass fir all Member vum CGDIS gratis.
Bei Formatiounen um Site Wasserbillig, gëtt de Früstück souwéi d’Mëttegiesse vun der Kantin vum CNIS op de Site geliwwert.
Allergien / Intoleranzen:
Bei Allergien oder Intoleranzen kënnt Dir eis dat eng Woch virum Ufank vun der Formatioun mat enger Mail un hotellerie@cgdis.lu matdeelen.
Maacht eis w.e.g eng Woch virum Ufank vun der Formatioun eng Mail un hotellerie@cgdis.lu bei Allergien, Intoleranzen oder wann Dir ee Vegane Menü buche wëllt.
Tél: 49771 - 2592
E-Mail: hotellerie@cgdis.lu
Vestiaire
Um Site Wasserbillig sti Vestiairen zur Verfügung.
D’Verstiairen kënne souwuel virun der Formatioun wéi och no der Formatioun genotzt ginn.
Wichteg: Wann Dir no der Formatioun dusche wëllt, musst Dir Är eegen Duschsaache matbrengen.